Ռուսաստանն աջակցություն է հայտնել Վենեսուելայի կառավարությանը՝ իր ազգային ինքնիշխանության պաշտպանության գործում, կապված արտաքին սպառնալիքների հետ։ Այս մասին հայտնել է ՌԴ փոխվարչապետ Դմիտրի Չեռնիշենկոն Ռուս-վենեսուելական բարձրամակարդակ միջկառավարական հանձնաժողովի 19-րդ նիստում։
«Ռուսաստանի Դաշնության կառավարության անունից աջակցություն ենք հայտնում [Վենեսուելայի նախագահ] Նիկոլաս Մադուրոյի կառավարությանը եւ համերաշխություն եղբայրական վենեսուելական ժողովրդին՝ ազգային ինքնիշխանության պաշտպանության գործում, կապված արտաքին սպառնալիքների հետ,- նշել է նա։- Հիանում ենք այն տոկունությամբ և վճռականությամբ, որով վենեսուելացի ժողովուրդը պաշտպանում է իր հայրենիքի իսկական ինքնիշխանությունը»։
«Խորացնում ենք ռազմավարական գործընկերությունը ռազմատեխնիկական ոլորտում»,- ավելացրել է ՌԴ կառավարության փոխվարչապետը, տեղեկացրել է ՏԱՍՍ-ը։
Չեռնիշենկոն ընդգծել է, որ Վենեսուելան «մշտապես մնում է Ռուսաստանի հուսալի գործընկերը եւ դաշնակիցը» Լատինական Ամերիկայում եւ աշխարհում։ Նրա խոսքով՝ Մոսկվան բարձր է գնահատում Կարակասի հետ վստահալից քաղաքական երկխոսությունը բոլոր մակարդակներում, ներառյալ բարձրագույնը։ Նա նաեւ հավաստիացրել է, որ ՌԴ-ն մտադիր է այսուհետ եւս ամրապնդել երկկողմ հարաբերությունները հանրապետության հետ։