Թաալաթբեկ Մասադիկովը նշանակվել է ՀԱՊԿ-ի նոր գլխավոր քարտուղար։ Նա պաշտոնը կզբաղեցնի հաջորդ երեք տարիների ընթացքում։
Մասադիկովին նշանակելու որոշումը կայացվել է Բիշքեկում կայացած գագաթնաժողովում։
Այս մասին կազմակերպության ներկայիս ղեկավար Իմանգալի Տասմագամբետովը հայտարարել է այսօր կայացած մամուլի ասուլիսում։
Ղրղզստանի ներկայացուցիչը պաշտոնը կստանձնի 2026 թվականի հունվարի 1-ին։
Կազմակերպության նոր գլխավոր քարտուղարն ավարտել է ՄԳԻՄՕ-ն և ասպիրանտուրան ավարտել Մոսկվայի պետական համալսարանում, ունի բանասիրական գիտությունների դոկտորի աստիճան։
Մաասադիկովը ծառայել է Ղրղզստանի կառավարությունում, ավելի քան 12 տարի աշխատել է ՄԱԿ-ի համակարգում, ունի դեսպանի դիվանագիտական կոչում, 2017 թվականին առաջադրվել է Ղրղզստանի նախագահի պաշտոնում։
Նախկինում նա զբաղեցրել է ՀԱՊԿ գլխավոր քարտուղարի տեղակալի պաշտոնը։