Մենք չէինք կարող չօգտվել օրենքով սահմանված մեր նաև այս լիազորությունից և ավելորդ չենք համարում ևս մեկ անգամ բարձրաձայնել և քաղաքական-հասարակական մտքի, վերլուծական և փորձագիտական գնահատականների, նաև իրավական հիմքերի առկայությամբ ներկայացնել այն խնդիրները, որոնք այսօր ծանր հարված են հասցնում մեր պետության հիմքերին, ժողովրդավարությանը և ավելի ծանր հարված են հասցնում առանց այն էլ տիրող ցածր բարոյահգեբանական մթնոլորտի վրա: Այս մասին այսօր ԱԺ-ում հրավիրված՝ քաղբանտարկյալների թեմայով քննարկմանմեկնարկին ասաց ընդդիմադիր պատգամավոր Սեյրան Օհանյանը։
«Ակնհայտ է, որ լսումների համար հիմք են հանդիսացել Հայաստանի Հանրապետությունում արձանագրվող ժողովրդավարության հետընթացը, որի բաղկացուցիչ մասն են կազմում խոսքի, խղճի, հավաքների, ազատությունների կոպիտ ոտնահարումները, ԶԼՄ-ների հանդեպ ճնշումները, շինծու քրեական գործերը, քաղաքական այլ հայացքներ ունեցող գործիչների և քաղաքացիների նկատմամբ, ընտրովի արդարադատությունը, որը դրսևորվում է, ինչպես մենք տեսնում ենք, անարդար դատավճիռներով, աննախադեպ թվով քաղաքական բանտարկյալների առկայությամբ: Այսօր իշխանությունը վերածվել է քաղաքական հետապնդումների, հալածանքների և հաշվեհարդարի բացահայտ գործիքի: Իշխող վարչախմբի գործողություններն ուղղված են երկրում վախի մթնոլորտ սերմանելուն, իշխանությունն ամեն գնով պահելուն, որոնք հանգեցնելու են իրավական պետության հիմքերի խաթարման ու սահմանադրականության վերջնական տապալմանը»։