Բրիտանական ֆինթեք-ստարտափ Revolut-ը ավարտել է բաժնետոմսերի երկրորդային տեղաբաշխումը, որի արդյունքում ընկերությունը գնահատվել է 75 մլրդ դոլար:
Տեղաբաշխմանը մասնակցել են Coatue, Greenoaks, Dragoneer և Fidelity Management & Research Company ներդրումային ընկերություններն, ինչպես նաև Andreessen Horowitz-ը, Franklin Templeton-ը և NVentures-ը՝ Nvidia Corp.-ի վենչուրային ստորաբաժանումը:
Revolut-ը Եվրոպայի ամենաթանկարժեք ստարտափն է։ Անցած տարվա օգոստոսին ընկերությունը գնահատվում էր 45 մլրդ դոլար։
«Ներդրողների հետաքրքրվածության մակարդակը և նոր գնահատականը արտացոլում են մեր բիզնես-մոդելի ուժը, որն ապահովում է ինչպես արագ աճ, այնպես էլ լավ շահութաբերություն», – նշել է ընկերության ֆինանսական տնօրենը:
Ընկերությունը հիմնադրվել է 2015 թվականին Լոնդոնում։ Ընկերության հավելվածն ամբողջ աշխարհում օգտագործում է մոտ 65 միլիոն հաճախորդ։
Ավելի վաղ Revolut-ը հայտնել էր, որ մտադիր է մինչև ընթացիկ տասնամյակի ավարտը մուտք գործել ևս 30 նոր շուկա՝ օգտատերերի ընդհանուր թիվը հասցնելով 100 միլիոնի։ Այդ նպատակների համար ընկերությունը նախատեսում է ծախսել 13 մլրդ դոլար։
Տեխնոլոգիական հրապարակումներն իրականացվում են Իդրամի աջակցությամբ։