Չեմպիոնների լիգայի 2025/26 թթ. խաղարկության լիգայի փուլի հինգերորդ տուրում Լոնդոնի «Չելսին» «Սթեմֆորդ Բրիջում» վստահ հաղթանակի հասավ «Բարսելոնայի» նկատմամբ (3-0)։
Հանդիպման հաշիվը բացվեց 27-րդ րոպեին, երբ անզգուշաբար սեփական դարպասը գրավեց կատալոնացիների պաշտպան Ժյուլ Կունդեն, իսկ խաղակեսի վերջնամասում՝ 44-րդ րոպեին, երկրորդ դեղին քարտը ստացավ և խաղադաշտը լքեց Ռոնալդ Արաուխոն՝ «կապտանռնագույններին» թողնելով 10 հոգով։
Երկրորդ խաղակեսում «ազնվականները» մեծացրին առավելությունը․ նախ 55-րդ րոպեին տպավորիչ անցումից հետո Ժոան Գարսիայի պաշտպանած դարպասը գրավեց Էստևեանը, ապա 73-րդ րոպեին Լիամ Դելափը հաշիվը դարձրեց խոշոր՝ 3-0։
Լիգայի փուլի վեցերորդ տուրում «Բարսելոնան» տանը կընդունի Ֆրանկֆուրտի «Այնտրախտին», իսկ «Չելսին» արտագնա հանդիպում կանցկացնի «Ատալանտայի» հետ։ Հանդիպումները կկայանան դեկտեմբերի 9-ին։
Հանդիպման գոլերը՝ ԱՅՍՏԵՂ
Չեմպիոնների լիգայի մրցաշարային աղյուսակը՝ ստորև․