https://arm.sputniknews.ru/20251031/erevani-qaghaqapetarany-azat-kajanategher-gtnelu-hamar-havelvats-ksteghtsi-95314101.html
Երևանի քաղաքապետարանը հավելված կստեղծի ազատ կայանատեղեր գտնելու համար
Երևանի քաղաքապետարանը հավելված կստեղծի ազատ կայանատեղեր գտնելու համար
Sputnik Արմենիա
Քաղաքապետարանն առաջարկելու է նաև բարձրացնել տուգանքները չթույլատրված վայրում կայանելու համար, իսկ ավտոքարշակների մասնավոր օպերատորը հնարավորություն կունենա… 31.10.2025, Sputnik Արմենիա
2025-10-31T14:54+0400
2025-10-31T14:54+0400
2025-10-31T14:58+0400
հայաստան
կարմիր գծեր
երևան
տիգրան ավինյան
խցանում
https://cdn.am.sputniknews.ru/img/07e8/01/0c/71110141_0:0:1600:901_1920x0_80_0_0_664ee3c476f13ce777b7dd61f8f3b0fb.jpg
ԵՐԵՎԱՆ, 31 հոկտեմբերի – Sputnik․ Երևանի քաղաքապետարանը բջջային հավելված է պատվիրել, որը կօգնի վարորդներին մայրաքաղաքի փողոցներում ազատ կայանատեղեր գտնել: Երևանի քաղաքապետ Տիգրան Ավինյանն այդ նախաձեռնության մասին հայտնեց ԱԺ մշտական հանձնաժողովների համատեղ նիստում 2026 թ. պետական բյուջեի նախնական քննարկման ժամանակ։Պատգամավորը նշեց՝ անգամ կարմիր գծերի պարագայում, երբ քաղաքացին տարեկան որոշակի գումար է վճարում կայանելու համար, կարող է երկար պտտվել քաղաքի կենտրոնում և որևէ ազատ տեղ չգտնել։Քաղաքապետի խոսքով ՝ Երևանում մեքենաների թիվը շարունակում է աճել. միայն վերջին մեկ տարվա ընթացքում քաղաքում հաշվառվել է մոտ 11 հազար նոր մեքենա՝ չհաշված մոտակա մարզերի տրանսպորտային միջոց: Արդյունքում գերբեռնվածությունը դառնում է ավելի ու ավելի լուրջ խնդիր։Ավինյանի խոսքով՝ ելքը հասարակական տրանսպորտի առաջնահերթությունն է անձնական մեքենաների նկատմամբ։Ավինյանը պնդում է, որ ավտոբուսներում տուգանքներն արդյունք են տվել. եկամուտներն ավելացել ենՔաղաքապետարանը շարունակելու է առանձին գոտիներ հատկացնել հասարակական տրանսպորտի համար և աստիճանաբար կրճատել թեթև մարդատար մեքենաների կայանատեղերի քանակը:Բացի այդ, քաղաքային իշխանությունները կրկին քննարկում են չթույլատրված վայրերում կայանման համար տուգանքները բարձրացնելու նախաձեռնությունը: Նախատեսվում է, որ նման մեքենաների տարհանումը կփոխանցվի մասնավոր օպերատոր ընկերությանը, որը կընտրվի մրցութային հիմունքներով: Այս առաջարկներն արդեն քննարկվում են քաղաքապետարանում։Անձնական մեքենաների սահմանափակում. ինչպե՞ս է լուծվելու Երևանի խցանումների հարցը
երևան
2025
Լուրեր
am_HY
https://cdn.am.sputniknews.ru/img/07e8/01/0c/71110141_176:0:1600:1068_1920x0_80_0_0_9d0c40b620c52408d167b39844a4fa96.jpg
հայաստան, կարմիր գծեր, երևան, տիգրան ավինյան, խցանում
հայաստան, կարմիր գծեր, երևան, տիգրան ավինյան, խցանում
Քաղաքապետարանն առաջարկելու է նաև բարձրացնել տուգանքները չթույլատրված վայրում կայանելու համար, իսկ ավտոքարշակների մասնավոր օպերատորը հնարավորություն կունենա անմիջապես դուրս բերել նման մեքենաները։
ԵՐԵՎԱՆ, 31 հոկտեմբերի – Sputnik․ Երևանի քաղաքապետարանը բջջային հավելված է պատվիրել, որը կօգնի վարորդներին մայրաքաղաքի փողոցներում ազատ կայանատեղեր գտնել: Երևանի քաղաքապետ Տիգրան Ավինյանն այդ նախաձեռնության մասին հայտնեց ԱԺ մշտական հանձնաժողովների համատեղ նիստում 2026 թ. պետական բյուջեի նախնական քննարկման ժամանակ։
«Հեռախոսային հավելվածով տեսնելու եք՝ եթե այս հատված հասնեք 2-3 րոպեում, տեղ կա՞, թե՞ չկա»,- ասաց Ավինյանը՝ պատասխանելով «Հայաստան» խմբակցության անդամ Գառնիկ Դանիելյանի հարցին։
Պատգամավորը նշեց՝ անգամ կարմիր գծերի պարագայում, երբ քաղաքացին տարեկան որոշակի գումար է վճարում կայանելու համար, կարող է երկար պտտվել քաղաքի կենտրոնում և որևէ ազատ տեղ չգտնել։
Քաղաքապետի խոսքով ՝ Երևանում մեքենաների թիվը շարունակում է աճել. միայն վերջին մեկ տարվա ընթացքում քաղաքում հաշվառվել է մոտ 11 հազար նոր մեքենա՝ չհաշված մոտակա մարզերի տրանսպորտային միջոց: Արդյունքում գերբեռնվածությունը դառնում է ավելի ու ավելի լուրջ խնդիր։
Ավինյանի խոսքով՝ ելքը հասարակական տրանսպորտի առաջնահերթությունն է անձնական մեքենաների նկատմամբ։
Քաղաքապետարանը շարունակելու է առանձին գոտիներ հատկացնել հասարակական տրանսպորտի համար և աստիճանաբար կրճատել թեթև մարդատար մեքենաների կայանատեղերի քանակը:
Բացի այդ, քաղաքային իշխանությունները կրկին քննարկում են չթույլատրված վայրերում կայանման համար տուգանքները բարձրացնելու նախաձեռնությունը: Նախատեսվում է, որ նման մեքենաների տարհանումը կփոխանցվի մասնավոր օպերատոր ընկերությանը, որը կընտրվի մրցութային հիմունքներով: Այս առաջարկներն արդեն քննարկվում են քաղաքապետարանում։