Օզոնային շերտը պաշտպանում է Երկրի վրա կյանքը արևի ուլտրամանուշակագույն ճառագայթումներից։ Նրա պահպանությունն առավել կարևոր է մարդկանց առողջության, կենսաբազմազանության և կայուն միջավայրի ապահովման համար։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից:
Հայաստանը ևս մասնակցում է միջազգային նախաձեռնություններին՝ իրականացնելով Մոնրեալի արձանագրությամբ ստանձնած պարտավորությունները։ Դրանք ուղղված են օզոն քայքայող նյութերի կրճատմանը և շրջակա միջավայրի կայուն ապագայի ապահովմանը։
Այս տարվա պաշտոնական կարգախոս՝ «Գիտությունից դեպի գլոբալ գործողություններ՝ օզոնային շերտի պահպանման համար» Օզոնային շերտի պահպանումը պահանջում է ոչ միայն պետական և միջազգային կառույցների, այլև յուրաքանչյուր քաղաքացու պատասխանատու վերաբերմունքը։
Մեր համատեղ քայլերը կապահովեն ավելի առողջ ու կայուն ապագա եկող սերունդների համար։
Մանրամասները՝ տեսանյութում: