Կիրակի, հուլիսի 6-ին, Բալթիկ ծովի ռուսական Ուստ-Լուգա նավահանգստում (Լենինգրադի մարզ) գտնվող Eco Wizard ամոնիակային լցանավից ամոնիակի արտահոսք է տեղի ունեցել: Ինչպես հայտնել է Ռուսաստանի տրանսպորտի նախարարությունն իր Telegram ալիքում, բեռնման ժամանակ տեղի է ունեցել «հեղուկ ամոնիակի աննշան արտահոսք»: Հետագա բեռնումը անհապաղ դադարեցվել է: 23 հոգուց բաղկացած անձնակազմը տարհանվել է և գտնվում է նավահանգստում, տուժածներ չկան:
2025 թվականի սկզբից ի վեր սա վեցերորդ լցանավն է, որը այս կամ այն կերպ վնասվել է ռուսական նավահանգիստներ մտնելուց հետո: Նախորդը Vilamoura լցանավն էր, որը պայթեց Լիբիայի ափերի մոտ: Նավը տեղափոխում էր մոտ մեկ միլիոն բարել նավթ: