Մենք 2020-ի պատերազմում կորցրել ենք կշեռքի մի նժարին դրված հայրենիքի մի մասը, բայց ձեռք ենք բերել պետություն, որն ավելի ինքնիշխան է, ավելի անկախ է և ավելի ինքնուրույն է։ Այս մասին ԵՊՀ-ում ուսանողների հետ հանդիպմանը հունիսի 2-ին ասել է վարչապետ Նիկոլ Փաշինյանը։ «Ես չեմ ուզում, որ այս թեզը հնչի որպես գեղեցիկ նախադասություն, այլ ուզում եմ կոնկրետ օրինակով ասեմ։ 2025-ի մարտի 1-ն այն օրն է, որի դրությամբ Հայաստանի բոլոր կետերում ծառայություն են իրականացնում Հայաստանի Հանրապետության սահմանապահ զորքերը։ Այդ որոշումը ես եմ կայացրել 2024-ին։ Այդ որոշումը ես չէի կարող կայացնել 2018, 2019, 2020 թվականներին, երբ թվում էր, թե քաղաքականապես բոլոր առումներով շատ ավելի […]