Գաղտնիք չէ, որ վերջին տարիներին սրընթաց կերպով զարգանում է ռազմարդյունաբերական համալիրը: Պաշտպանական կարիքների համար միլիարդավոր դրամներ և միլիոնավոր դոլարներ են ծախսվում ներքին արտադրողներից ձեռքբերումների համար, ինչը շատ ողջունելի է: Աս մասին խորհրդարանի այսօրվա արտահերթ նիստում հայտարարեց ՀՀ ԱԺ նախագահի տեղակալ Հակոբ Արշակյանը «Ռազմարդյունաբերական համալիրի մասին» օրենքում լրացում կատարելու նախագծի քննարկման ժամանակ:
Նրա խոսքով՝ դա վկայում է ռազմարդյունաբերական համալիրի ընկերությունների կայացման մասին, ինչը ռազմավարական կարևորություն ունի ՀՀ-ի, ինչպես նաև բարձր տեխնոլոգիական ոլորտում նոր ներուժի, նոր կադրերի ներգրավման համար:
«Այս բոլոր նախաձեռնություններն ուղղված են այդ աճը ապահովելուն»,- ասաց նա՝ հանդես գալով մի առաջարկով: