Աֆղանստանի Իսլամական Էմիրության Գերագույն առաջնորդը (պետության ինքնանունը ներկայիս կառավարության օրոք) Հայբաթուլլա Ախունդզադան համապատասխան հրամանագրով կարգավորել է աֆղանների տներում պատուհանների և օդանցքների նախագծումն ու կառուցումը, որպեսզի և՛ կանգնած, և՛ նստած վիճակում կանայք այնտեղից չերևան, հաղորդում է Tolo news լրատվական պորտալը։
Հրամանագրի տեքստը հրապարակվել է կիրակի օրը։
Համաձայն հրամանագրի՝ աֆղանցու տանը պատուհանները պետք է տեղադրվեն այնպես, որ կանայք տեսանելի չլինեն հարևան տների պատուհաններից, երբ նրանք ճաշ են պատրաստում կամ նստած են։