Ռուսաստանը ոչ ոքի չի սպառնում և չի պատրաստվում հարձակվել որևէ մեկի վրա՝ ոչ 2029-ին, ոչ 2030-ին, ոչ էլ 2050 թվականին։ Այս մասին «Վալդայ» միջազգային քննարկումների ակումբի XXIII նիստի լիագումար նիստում հայտարարել է ՌԴ նախագահ Վլադիմիր Պուտինը։
«Մենք ոչ ոքի չենք սպառնում, չենք պատրաստվում հարձակվել որևէ մեկի վրա՝ ոչ 2029-ին, ոչ 2030-ին, ոչ էլ 2050 թվականին։ Բայց եթե բախվենք ագրեսիայի, ստիպված կլինենք պատասխանել։ Եվրոպական երկրների քաղաքացիները պետք է դա հստակ հասկանան և տարբերակեն մեր դիրքորոշումն իրենց երկրների ներկայիս քաղաքական ղեկավարության դիրքորոշումից»,– նշել է Պուտինը։
Ռուսաստանի նախագահը նաև կարծիք է հայտնել, որ Եվրոպայի բնակիչները դա հասկանում են։ «Այդ ըմբռնումը կա, և մենք դա տեսնում ենք եվրոպական խոշորագույն երկրներում ընտրությունների արդյունքների և տրամադրությունների հիման վրա»,– եզրափակել է նա։