Լոնդոնի հայտնի սև տաքսին՝ «LEVC TX»-ը, 2027 թվականի երկրորդ կեսին կփոխարինվի նոր մոդելով։ «LEVC»-ն արդեն ներկայացրել է նոր մեքենայի առաջին դիզայներական էսքիզները։
Նոր տաքսին կպահպանի սև կաբիներին բնորոշ ուղղաձիգ կառուցվածքն ու մեծ ապակեպատ հատվածը, սակայն կունենա ավելի ժամանակակից դիզայն։ Այն ամբողջությամբ նոր կստեղծվի՝ հաշվի առնելով Լոնդոնի տաքսիների համար սահմանված պահանջները:
Ներկայիս TX-ը վաճառքի է հանվել 2018 թվականին։ «LEVC»-ի տվյալներով՝ ամբողջ աշխարհում վաճառվել է ավելի քան 12 հազար նման մեքենա։ Նոր մոդելի տեխնիկական տվյալները դեռ չեն հրապարակվել։ Հայտնի չէ նաև դրա շարժիչի տեսակը, ընթացքի առավելագույն հեռավորությունը և լիցքավորման արագությունը։ Սպասվում է, որ այն կունենա ավելի մեծ էլեկտրական ընթացքի պաշար և ավելի բարձր արդյունավետություն։