Ֆրանսիայի նախագահ Էմանուել Մակրոնը շաբաթ օրը X սոցիալական ցանցում հայտարարել է, որ հեռախոսազրույց է ունեցել Ուկրաինայի նախագահ Վլադիմիր Զելենսկու հետ և տեղեկացրել նրան Արևմուտքի աջակցության աճի մասին։
Մակրոնի խոսքով՝ «կարևոր է Ուկրաինային տրամադրել բոլոր անհրաժեշտ ռեսուրսները՝ իր օդային տարածքը պաշտպանելու համար»։
«Ես նախագահ Զելենսկուն տեղեկացրեցի մեր աջակցության մեծացման մասին հակահրթիռային համակարգերի տեղակայման հարցում և մեր համագործակցության շարունակության մասին՝ համաձայն հուլիսի 13-ին Փարիզում կայացած հակահրթիռային կոալիցիայի առաջին նիստի և 2025 թվականի նոյեմբերի 17-ին ստորագրված մտադրությունների հռչակագրի», – գրել է նա։
Նա հավելել է․
«Կարևոր է, որ այս ջանքերին միանան նաև բոլոր երկրները, որոնք ունեն հասանելի ռեսուրսներ»։