ԱՄՆ էներգետիկայի նախարար Քրիս Ռայթի խոսքով՝ Հորմուզի նեղուցով տեղափոխվող նավթի ծավալները կազմում են օրական 8-9 միլիոն բարել։
«Խոսքը գնում է Հորմուզի նեղուցով ամեն օր 8-9 միլիոն բարելի անցնելու մասին», – ասել է նա Fox News-ին։
Ավելի վաղ The Wall Street Journal-ը, հղում անելով արբանյակային տվյալներին, հաղորդել էր, որ հուլիսին նեղուցով օրական միջինում 26 նավ է անցել՝ հինգ անգամ պակաս, քան հակամարտությունից առաջ։ Սակայն օգոստոսի 11-ին նեղուցով անցել է ընդամենը 14 նավ։ Ռայթն ասել է, որ այս տեղեկատվությունը չի համապատասխանում իրականությանը։
«Առևտրային արբանյակային ընկերությունները հիանալի բիզնեսներ են, բայց հիմա սա հակամարտության գոտի է, և դժվար է տեսնել, թե ինչ է կատարվում այնպես, ինչպես մենք ենք տեսնում», – բացատրել է նա։