Աֆրիկայի հյուսիսային ափին գտնվող Սեուտա ինքնավար քաղաքում մոտ 3000 անվտանգության աշխատակից է տեղակայվել՝ միգրանտների զանգվածային հոսքից հետո կարգուկանոնը պահպանելու համար։ Այս մասին լրագրողներին հայտնել է քաղաքում կառավարության խոսնակ Միգել Անխել Պերեսը։
«Այս օրերին Սեուտայում տեղակայվել է մոտ 3000 անվտանգության ուժ՝ իրավիճակը նորմալ վիճակի բերելու համար, և նրանք այնտեղ կմնան այնքան ժամանակ, որքան անհրաժեշտ է», – նշել է նա։
Նա հավելել է, որ այս թիվը պետք է ներառի նաև տեղական ոստիկանների թիվը։