Իրանի արտաքին գործերի նախարար Աբբաս Արաղչին հայտարարել է, որ Միացյալ Նահանգների հետ վերջնական համաձայնագրի շուրջ բանակցությունները չեն սկսվի, եթե Վաշինգտոնի սպառնալիքները շարունակվեն։
«Միլիոնավոր հպարտ իրանցիներ հավաքվել են՝ մեծարելու Այաթոլլահ Խամենեիին և նրա ընտանիքին։ Ո՛չ նրանք, ո՛չ էլ մեր քաջարի զինված ուժերը չեն զիջի սպառնալիքներին։ Փոխըմբռնման հուշագրի 13-րդ կետում հստակ նշված է. վերջնական համաձայնագրի շուրջ բանակցությունները չեն սկսվի, եթե սպառնալիքները շարունակվեն։ Հարգեք ձեր ստորագրությունը», – գրել է նախարարը իր սոցիալական ցանցերի էջում։