Երեւանի Փիւնիկ ակումբը անգամ մը եւս ակումբի նշանակին վրայ ախոյեանութեան աստղը վերադարձուց:
Այդ աստղը կը խորհրդանշէ Հայաստանի ախոյեանութեան գծով ակումբին նուաճած 10 եւ աւելի ախոյեանութեան տիտղոսները:
Ինչպէս կը յայտնէ ակումբի մամլոյ ծառայութինը, աստղը կրկին պիտի տեղադրուի Փիւնիկի նշանակին վերի բաժինը` ընդգծելու համար ակումբի առանձնայատուկ կարգավիճակը հայկական ֆութպոլի պատմութեան մէջ:
Փիւնիկ Հայաստանի ամէնէն շատ տիտղոսներ շահած ֆութպոլի ակումբն է: Ակումբը հիմնուած է 1992-ին` Խորհրդային Միութեան փլուզումէն, Հայաստանի ֆութպոլի ֆետերասիոնի ստեղծումէն, ինչպէս նաեւ ազգային ախոյեանութեան ստեղծումէն անմիջապէս ետք: Ակումբի հիմնադիրներէն է հայկական ֆութպոլի պատմական ֆութպոլիստ Խորէն Յովհաննէսեան:
Ակումբը նախ հանդէս կու գար «ՀՄԸՄ» անունով, սակայն 1995-ին ան վերանուանուեցաւ Փիւնիկ: Այդ ժամանակէն ի վեր ակումբը դարձած էր հայկական ֆութպոլի գլխաւոր խորհրդանիշներէն մէկը:
Այժմ Փիւնիկ 16 ախոյեանութիւն նուաճած է եւ 8 անգամ դարձած է բաժակակիր, ինչպէս նաեւ 10 անգամ` Հայաստանի գերբաժակակիր:
Ախոյեանի աստղին վերադարձը` նշանակին վրայ, յիշեցում մըն է ակումբի հարուստ պատմութեան եւ հայկական ֆութպոլին մէջ անոր յառաջատար դերին մասին: