«Չեմփիընզ լիկ»-ի կիսաւարտականի երթի երկրորդ ելոյթը առաջինին նման չեղաւ (սպասուածին պէս), ուր Աթլեթիքօ Մատրիտ եւ Արսենալ մէկական փենալթիներով կոլեր նշանակեցին բաւական ձանձրացուցիչ մրցումէ մը ետք:
Պայքար կար դաշտին վրայ իրար դէմ` առիթ չտալու, որ մրցակից խումբը իր խաղարկութիւնը պարտադրէ:
Նոյն ձեւի խաղաոճ որդեգրած էին Տիեկօ Սիմէոնէ եւ Արսենալի մարզիչ Միքել Արթեթա:
Վիքթոր Եոքերեշ նշանակեց Արսենալի փենալթին` իր վրայ եղած ֆաուլէ մը ետք, մինչ Խուլեան Ալվարես նշանակեց Աթլեթիքոյի հաւասարութեան կոլը Բ. կիսախաղին: 78-րդ վայրկեանին Արսենալ փենալթի մը եւս շահեցաւ Էզէի վրայ եղած ֆաուլէն ետք, սակայն ՎԱՐ-ի վրայ ստուգելէ ետք զայն ջնջուեցաւ:
Երեքշաբթի օր Լոնտոնի մէջ պիտի վճռուի աւարտական հասնող խումբը: Երկու խումբերն ալ տակաւին չեն շահած «Չեմփիընզ լիկ»-ը իրենց պատմութեան ընթացքին` աւարտական հասնելէ ետք: