Վարչապետ Նիկոլ Փաշինյանի կողմից ժամանակին «տխրահռչակ» որակված դատավոր Մնացական Մարտիրոսյանն այսօր 2 ամսով կալանավորեց դպրոցական Դավիթ Մինասյանին՝ հարուցելով հանրության վրդովմունքը:Այս մասին հայտնում է «Ազատություն»-ը:
63-ամյա Մարտիրոսյանը, որ դատական համակարգում է գրեթե 30 տարի, բոլոր իշխանությունների օրոք աչքի է ընկել քաղաքական դատավարությունների ընթացքում իր կայացրած իշխանահաճո վճիռներով և ընդդիմադիր գործիչներին մեծ պատժաչափերով ազատազրկելու որոշումներով:
Մնացականյանի թերևս առաջին աղմկահարույց գործը 2000-ականների սկզբին էր՝ երկրորդ նախագահ Ռոբերտ Քոչարյանի պաշտոնավարման շրջանում: «Պապլավոկում» Պողոս Պողոսյանին ծեծելով սպանելու մեջ մեղադրվող Ռոբերտ Քոչարյանի թիկնապահի՝ «Կուկու» մականունով Աղամալ Հարությունյանի գործը քննում էր Մնացական Մարտիրոսյանը: Հենց նրա որոշմամբ Աղամալ Հարությունյանը «անզգույշ սպանություն» որակմամբ դատապարտվեց պայմանական ազատազրկման, այսինքն՝ չազատազրկվեց:
Մնացական Մարտիրոսյանի քննած այս գործը վերաբացվեց 20 տարի անց՝ վարչապետ Նիկոլ Փաշինյանի իշխանության օրոք:
Ավելին՝ սկզբնաղբյուրում