31 մարտի 2026 – 14:31 AMT
PanARMENIAN.Net – Վարչապետ Նիկոլ Փաշինյանն ապրիլի 1-ին աշխատանքային այցով կմեկնի Ռուսաստանի Դաշնություն։ Այցի շրջանակում Մոսկվայում տեղի կունենա վարչապետ Փաշինյանի հանդիպումը ՌԴ նախագահ Վլադիմիր Պուտինի հետ, հայտնում է վարչապետի մամուլի ծառայությունը:
Ըստ Կրեմլի տարածած հաղորդագրության՝ կողմերը նախատեսում են քննարկել ռուս-հայկական ռազմավարական գործընկերության և դաշնակցային հարաբերությունների ներկա վիճակը և զարգացման հեռանկարները, ինչպես նաև եվրասիական տարածքում ինտեգրման համագործակցության հարցերը:
Օրակարգում ընդգրկվել են նաև տարածաշրջանային կարևոր թեմաներ, մասնավորապես՝ Հարավային Կովկասում տնտեսական, տրանսպորտային և լոգիստիկ կապերի զարգացման հեռանկարները։