Արաբ արտաքին գործոց նախարարները երէկ Գահիրէի մէջ Արաբական լիկայի նախարարներու մակարդակով խորհուրդի ժողովի ընթացքին Եգիպտոսի արտաքին գործոց նախկին նախարար Նեպիլ Ֆահմին միաձայնութեամբ առաջադրեցին Արաբական լիկայի ընդհանուր քարտուղարի պաշտօնին:
Գործող ընդհանուր քարտուղար եգիպտացի Ահմետ Ապուլ Ղէյթի պաշտօնավարութիւնը կ՛աւարտի յունիս 2026-ին, իսկ Ֆահմի, յառաջիկայ Արաբական վեհաժողովին կողմէ իր թեկնածութեան վերջնական վաւերացումէն ետք, իր պաշտօնը կը ստանձնէ յուլիս 2026-ին:
Ան Եգիպտոսի արտաքին գործոց նախարարի պաշտօնը վարած է յուլիս 2013-էն մինչեւ յուլիս 2014: Նախքան այդ, 1999-2008 թուականներուն վարած է Ուաշինկթընի մէջ Եգիպտոսի դեսպանի պաշտօնը: