ԱՄՆ-ում կառավարության աշխատանքի մասնակի դադարեցումը («շաթդաուն») լուրջ սպառնալիք է ստեղծում ֆուտբոլի աշխարհի առաջնության անվտանգության համար, որի մեկնարկին մնացել է երեք ամսից պակաս։
Բյուջետային ճգնաժամի պատճառով Ազգային անվտանգության դեպարտամենտի մի շարք ստորաբաժանումներ շաբաթներ շարունակ գործում են առանց ֆինանսավորման, ինչը կարող է խաթարել 11 քաղաքներում սպասվող 5 միլիոն հանդիսատեսի անվտանգության ապահովումը։
Ճգնաժամի պատճառը Դոնալդ Թրամփի վարչակազմի և դեմոկրատների միջև միգրացիոն բարեփոխումների շուրջ ծագած վեճն է։ Արդյունքում՝ օդանավակայանների անվտանգության (TSA), արտակարգ իրավիճակների արձագանքման և առափնյա պահպանության աշխատակիցները ստիպված են աշխատել առանց աշխատավարձի կամ ուղարկվել են հարկադիր արձակուրդ։
Արդեն իսկ արձանագրվում են հսկայական հերթեր օդանավակայաններում, սառեցվել են անվտանգության համակարգերի արդիականացման ծրագրերը, իսկ կիբերպաշտպանության ստորաբաժանումները գործում են սահմանափակ ռեժիմով։ Վաշինգտոնում բանակցությունները դեռևս արդյունք չեն տվել, ինչն անորոշ է դարձնում առաջնության անվտանգային պատրաստվածությունը։