Կիլիկիա ակումբը դարձաւ Հայաստանի ոչ արհեստավարժ լիկայի ախոյեանը: Փլէյ-օֆի աւարտականին, Կիլիկիա փենալթիներով պարտութեան մատնեց Էջմիածինը:
Երրորդ դիրքը գրաւեց Էքովիլ, որ 6-0 արդիւնքով ջախջախիչ յաղթանակ տարաւ Իջեւանի դէմ:
Յաջորդ տարեշրջանին Կիլիկիա, Էջմիածին եւ Էքովիլ կը մասնակցին Հայաստանի ֆութպոլի բաժակի 2026-2027 տարեշրջանի մրցաշարքին:
Այս յաղթանակին շնորհիւ Կիլիկիա Հայաստանը կը ներկայացնէ 2026 թուականի «Եու. Է. Էֆ. Ա.»-ի «Ռիճիընզ Քափ» մրցաշարքին: Զզումի մրցումները տեղի կ՛ունենան 14-էն 20 յունիսին: Ա. խմբակին մաս կը կազմեն Էսթանիոյ եւ Լիթուանիոյ ոչ արհեստավարժ ախոյեանները` Կիլիկիոյ կողքին: Այս մրցումները պիտի հիւրընկալէ Հայաստանը: