Աֆղանստանի ռազմաօդային ուժերը հարվածել են Իսլամաբադում գտնվող ռազմական օբյեկտին։ Այս մասին հայտնել է Իսլամական էմիրության պաշտպանության նախարարությունը։
«Այսօր, մոտավորապես ժամը 17:00-ին, Աֆղանստանի ռազմաօդային ուժերը ավիահարված են հասցրել Իսլամաբադի Ֆայզաբադ շրջանում գտնվող Պակիստանի բանակի ռազմավարական «Համզա» օբյեկտին։ Անօդաչու թռչող սարքի հարձակումը թիրախավորել է հրամանատարական կենտրոնը և այլ կարևոր օբյեկտներ, ինչը հանգեցրել է մարդկային և նյութական զգալի կորուստների», – ասվում է նախարարության հայտարարության մեջ։
Հինգշաբթի և ուրբաթ գիշերը Պակիստանի ռազմաօդային ուժերը ավիահարվածներ են հասցրել Քաբուլում, հաղորդում է TOLO News-ը։ Հարձակման են ենթարկվել նաև Ղանդահար, Պակտիկա և Պակտիկա նահանգների օբյեկտները։ Ի պատասխան՝ Աֆղանստանը հարվածել է Պակիստանի Խայբեր-Պախտունխվա նահանգի ռազմական օբյեկտներին։
Փետրվարի 26-ի երեկոյան Պակիստան-Աֆղանստան սահմանին վերսկսվել են մարտական գործողությունները։ Քաբուլը հայտարարել է, որ ռազմական գործողություն է իրականացնում՝ ի պատասխան Աֆղանստանի տարածքում վերջերս Պակիստանի կողմից իրականացված ավիահարվածների։ Պակիստանի պաշտպանության նախարար Խավաջա Ասիֆը հայտարարել է, որ իր երկիրը և Աֆղանստանում գտնվող «Թալիբան» շարժման կառավարությունը այժմ գտնվում են բաց զինված հակամարտության մեջ։