ԱՄՆ-ի և Իսրայելի կողմից Իրանի վրա հարձակումները կարող են խաթարել համաշխարհային կարգը և գլոբալ անվտանգությունը։ Այս կարծիքը հայտնել է Իսլամական Հանրապետության նախագահ Մասուդ Փեզեշքիանը Պակիստանի վարչապետ Շահբազ Շարիֆի հետ հեռախոսազրույցի ժամանակ։
«Եթե միջազգային հանրությունը և միջազգային կազմակերպությունները չկարողանան լուծել այս պատերազմին և Իրանի դեմ ռազմական ագրեսիային հանգեցրած արմատական պատճառները, համաշխարհային կարգը և գլոբալ անվտանգությունը կխաթարվեն և կընկղմվեն քաոսի մեջ», – Փեզեշքիանի խոսքերը մեջբերել է նրա մամուլի ծառայությունը։