Եթե տարածաշրջանում հակամարտությունը շարունակվի, Իրանի զինված ուժերը մտադիր են իրենց հարձակումներում օգտագործել միայն մեկ տոննայից մեծ մարտագլխիկներով հրթիռներ։ Այս հայտարարությունն արել է Իսլամական հեղափոխության պահապանների կորպուսի (ԻՀՊԿ) հրամանատար, գեներալ Մաջիդ Մուսավին։
«Այսուհետ (Իրանը) չի արձակի մեկ տոննայից փոքր մարտագլխիկով որևէ հրթիռ», – հայտարարել է Մուսավին, ինչպես մեջբերել է Իրանի պետական հեռուստատեսությունը։ ԻՀՊԿ գեներալը բացատրել է, որ նման հրթիռներն ունեն «ավելի մեծ հեռահարություն և ոչնչացման շատ ավելի լայն տարածք»։