ԱՄՆ-ի և Իսրայելի պաշտոնյաները քննարկել են Իրան հատուկ նշանակության ուժեր ուղարկելու հնարավորությունը, որոնք կգրավեն հարստացված ուրանի և այլ միջուկային վառելիքի իրանական պաշարները, ինչպես նաև նավթային կարևորագույն օբյեկտները, հաղորդում է Axios-ը՝ հղում անելով իր սեփական աղբյուրներին։
«Բանակցություններին ծանոթ չորս աղբյուրների համաձայն՝ ԱՄՆ-ը և Իսրայելը քննարկել են պատերազմի հետագա փուլում Իրան հատուկ նշանակության ուժեր ուղարկելու հնարավորությունը, որպեսզի ապահովեն նրա բարձր հարստացված ուրանի պաշարները», – նշվում է հոդվածում: Պորտալը նշում է, որ նման ցանկացած գործողություն կպահանջի ուժեղ ամրացված ստորգետնյա օբյեկտների գրոհ:
Հոդվածի հեղինակների խոսքով՝ դեռևս պարզ չէ, թե արդյոք այս առաջադրանքը կհանձնարարվի ԱՄՆ-ի, թե՞ Իսրայելի հատուկ նշանակության ուժերին, թե՞ առաքելությունը կլինի համատեղ:
Axios-ը նշում է, որ միջուկային վառելիքի առգրավումը հնարավոր կլինի միայն այն դեպքում, երբ երկու կողմերն էլ վստահ լինեն, որ Իրանի զինված ուժերը այլևս լուրջ սպառնալիք չեն ներկայացնում: