Սպանիոյ «Լա լիկա»-ի 2025-2026 տարեշրջանի 26-րդ հանգրուանի մրցումներուն, Պարսելոնայի 18 տարեկան աստղ Լամին Եամալ նոր մրցանիշեր շարունակեց կոտրել:
Արդարեւ, ան Վիարէալի դէմ (4-1) մրցումին պատմական նուաճում ձեռք ձգեց` դառնալով 21-րդ դարու առաջին ֆութպոլիստը, որ լաւագոյն 5 ախոյեանութիւններուն նախքան 19 տարեկան դառնալը անցած է 25 կոլերու սահմանը:
Ան հեթ-թրիք իրագործեց իր կոլերու հաշիւը հասցնելով 27-ի` 95 ելոյթներու ընթացքին:
Այս տարեշրջանին Եամալ Պարսելոնայի հետ 31 մրցումներ կատարած է` նշանակելով 16 կոլ եւ կատարելով 13 էսիսթ: