Իրանը ներկայումս տեքստ է պատրաստում Միացյալ Նահանգների հետ հնարավոր գործարքի վերաբերյալ և չի հաստատում միջուկային ժամանակավոր համաձայնագիր կնքելու հնարավորության մասին տեղեկությունները։ Այս մասին այսօր հայտարարել է Իրանի ԱԳՆ խոսնակ Էսմայիլ Բաղային։
«Մենք ներկայումս մեր տեսակետները պատրաստում ենք», – ճեպազրույցի ժամանակ ասել է դիվանագետը։
Նա նաև Միացյալ Նահանգների հետ բանակցությունների վերաբերյալ տարբեր տեղեկությունները որակել է որպես ենթադրություն։ Նա ասել է, որ Վաշինգտոնի հետ հնարավոր ժամանակավոր համաձայնագրի մասին պնդումները «անհիմն» են։