Խորվաթիայի Ռաչեշայի նեկրոպոլիսում (XIII–XVI դարեր) հնագետները հայտնաբերել են անսովոր գերեզման։ Հավանաբար, այն կապված էր վամպիրներից պաշտպանվելու հավատալիքների հետ։ Թաղված տղամարդը եղել է 40–50 տարեկան։ Մարմինը դիտավորը շրջված էր՝ իրանը դեպի ներքև, գլուխը մարմնից մոտ 30 սմ հեռավորության վրա։ Գիտնականները պարզել են, որ նրան գլխատել էին մահից հետո՝ վախեցնելու համար, որ նա չկարողանա վերադառնալ։
Ոսկորների ուսումնասիրությունը ցույց է տվել, որ նա կյանքում ենթարկվել է բռնության։ Տղամարդը ունեցել է վերին ծնոտի վնասվածք և կողերի կոտրվածքներ։ Մահացել է գլխի հետևի հատվածում սուր առարկայով հասցված երկու հարվածից։ Գիտնականները դատաբժշկական թվային մեթոդներով վերականգնել են նրա դեմքը։ Պարզվել է, որ նա ունեցել է մեծ սպի, որը աղավաղել էր դեմքը։ Նման վնասվածքը կարող էր վախ առաջացնել մարդկանց մոտ և նպաստել նրա մեկուսացմանը։
Ուղեղի ծավալը կազմել է մոտ 1488 խորանարդ սմ, ինչը ավելի մեծ է ժամանակակից տղամարդկանց միջին ցուցանիշից, սակայն դա չի նշանակում բարձր ինտելեկտ։ Գիտնականների կարծիքով, նման թաղումները կապված են սլավոնական հավատալիքների հետ։ Հնում վամպիր կարող էին համարել այն մարդկանց, ովքեր մահացել էին անսովոր մահով, օրինակ՝ ինքնասպաններ կամ կախարդ համարվողներ։ Այդ պատճառով երբեմն մարմինները գլխատում էին կամ հատուկ ձևով թաղում։