ԱՄՆ նախագահ Դոնալդ Թրամփը հրամանագիր է ստորագրել, որի նպատակն է տիեզերագնացներին Լուսին վերադարձնել NASA-ի «Արտեմիս» տիեզերական ծրագրի շրջանակներում՝ մշտական լուսնային ներկայություն հաստատելու նպատակով։
Սպիտակ տան հրապարակած հրամանագրում նշվում է, որ Թրամփի վարչակազմը «իր տիեզերական քաղաքականությունը կկենտրոնացնի տիեզերական հետազոտությունների ոլորտում համաշխարհային առաջատարության հասնելու և տիեզերքում ամերիկյան ներկայությունն ընդլայնելու վրա՝ ամերիկացիներին Լուսին վերադարձնելով մինչև 2028 թվականը, «Արտեմիս» ծրագրի շրջանակներում»։
Փաստաթուղթը նաև նախատեսում է «մշտական լուսնային ֆորպոստի սկզբնական տարրերի ստեղծում մինչև 2030 թվականը»:
Տիեզերքում միջուկային էներգիայի զարգացման NASA-ի ծրագրերով՝ Միացյալ Նահանգները մտադիր է «Լուսնի վրա և ուղեծրում տեղակայել միջուկային ռեակտորներ, ներառյալ Լուսնի մակերևույթի ռեակտորը, որը պատրաստ է գործարկել մինչև 2030 թվականը»:
Հրամանագրի համաձայն՝ Միացյալ Նահանգները ծրագրել է մինչև 2028 թվականը ամերիկյան տիեզերական շուկաներ ներգրավել առնվազն 50 միլիարդ դոլարի լրացուցիչ ներդրումներ։ Կոչ է արվում մինչև 2030 թվականը «խթանել մասնավոր հատվածի նախաձեռնություններն ու կոմերցիոն ուղին, որը կփոխարինի միջազգային տիեզերակայանին»։