Ռուսիոյ արտաքին գործոց նախարար Սերկէյ Լաւրով նշեց. «Ուքրանական հողերուն վրայ որեւէ օտար զինուորական ուժի տեղակայման պիտի հակադարձենք եւ ատոր կը պատրաստուինք: Թրամփ չ՛աճապարեր Ռուսիոյ դէմ հաստատուած պատժամիջոցները վերցնելու. ընդհակառակն` զանոնք կ՛աւելցնէ»:
«Եւրոպայի դէմ պատերազմ շղթայազերծելու բացարձակապէս նպատակ չունինք, սակայն որեւէ թշնամական քայլի պիտի հակադարձենք», յայտարարեց ռուսական դիւանագիտութեան պետը:
«Եւրոպական Միութիւնը անյոյս քաղաքական կուրութենէ կը տառապի եւ ինքզինք կը խաբէ մտածելով, թէ կրնայ Ռուսիան պարտութեան մատնել», ըսաւ ան:
«Պիտի հակադարձենք Արեւմուտքի մէջ մեր ֆինանսական հաշիւները գրաւելու որեւէ փորձի», աւելցուց Լաւրով:
«Եւրոպան Մոսկուայի կարողութիւնները չունի, եւ այդտեղ ոմանք կը խոստովանին, թէ Ռուսիան ռազմավարական պարտութեան մատնելը անկարելի է», յայտնեց Լաւրով: