Մոսկվան ներկայումս որևէ տեղեկություն չունի Վաշինգտոնի և Կիևի միջև Ֆլորիդայում կայացած բանակցությունների արդյունքների մասին։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Մենք դեռևս չգիտենք Ֆլորիդայում ուկրաինացիների և ամերիկացիների հետ բանակցությունների արդյունքը։ Երբ իմանանք, պարզ կլինի, թե ինչպես շարունակել և որ ուղղությամբ գնալ հաջորդիվ», – ասել է Պեսկովը ռուսական առաջին ալիքի եթերում։
Նրա խոսքով՝ բանակցությունների մասին տեղեկատվությունը կարևոր է Ռուսաստանի հաջորդ քայլերը որոշելու համար, այդ թվում՝ տարեվերջին Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի հնարավոր հանդիպման համատեքստում։
Նա հավելել է, որ Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի միջև տարեվերջին հանդիպում կազմակերպելու հնարավորությունը ներկայումս չի քննարկվում: «Այն պահանջում է պատշաճ նախապատրաստություն»,- հայտարարել է Պեսկովը։ «Այն պետք է արդյունավետ լինի»: Պեսկովը կարծում է, որ նման հանդիպման հաջողության համար անհրաժեշտ է աշխատանքներ տանել փորձագիտական մակարդակով, որն այժմ ընթացքի մեջ է։