Ռուսաստանի նախագահ Վլադիմիր Պուտինը ներում է շնորհել բլոգեր Լերչեկին՝ Վալերիա Չեկալինային, և ազատել նրան պատժից՝ Արաբական Միացյալ Էմիրություններ ավելի քան 250 միլիոն ռուբլի դուրս բերելու գործով։
Մարտին գործի քննությունը կասեցվել էր այն բանից հետո, երբ Վալերիա Չեկալինայի մոտ ուռուցքային հիվանդություն էր հայտնաբերվել։ Այդ ընթացքում նրա նկատմամբ կիրառված տնային կալանքը փոխարինվել էր որոշակի գործողություններ կատարելու արգելքով։
Ավելի ուշ դատարանը նրան դատապարտել էր 5 տարվա պայմանական ազատազրկման և նշանակել ավելի քան 760 միլիոն ռուբլու տուգանք։
Դատավճռից հետո բլոգերը դիմել էր Վլադիմիր Պուտինին՝ ներում շնորհելու խնդրանքով։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: