Ռուսական ծառայության տակ գտնվող ուժերը Հայաստանի անկախությունը այլասերում են․ Լևոն Շիրինյան

«Նոյյան Տապան»-ի եթերում Լևոն Շիրինյանը խոսել է Հայաստանի բանակի վերազինման և ռուսական ազդեցության մասին, նշելով, որ առանց Նիկոլ Փաշինյանի, բանակը չի կարող վերազինվել: Նա ընդգծել է, որ բանակում տեղի ունեցող խնդիրները, ներառյալ սպանությունները, չեն կարող լուծվել միայն վարչապետի կամքով, քանի որ անհրաժեշտ են համակարգային փոփոխություններ:

Շիրինյանն անդրադարձել է նաև ռուսական ծառայությունների ազդեցությանը, նշելով, որ եթե Հայաստանը շարունակվի կախված մնալ ռուսական կառույցներից, ապա անկախությունը կդառնա միայն ձևական: Նա ընդգծել է, որ «հայկական բանակը պետք է լինի արևմտյան արժեքների վրա հիմնված», և միայն այդ դեպքում կարող է լինել արդյունավետ:

Բանախոսը նաև նշել է, որ անհրաժեշտ է վերացնել ռուսական ազդեցությունը և ստեղծել անկախ պետականություն, որը կկարողանա դիմակայել արտաքին մարտահրավերներին: «Մենք քրիստոնեական քաղաքակրթության երկիր ենք, և պետք է մեր ինքնությունը պահպանենք», – ընդգծել է նա:

Շիրինյանի կարծիքով, Հայաստանի ապագան կախված է ոչ միայն բանակի վերազինումից, այլև քաղաքական ու տնտեսական համակարգի բարեփոխումներից, որոնք պետք է իրականացվեն առանց արտաքին ազդեցությունների: