Հորմուզի նեղուցում հերթական լցանավն է պայթել

Իրանի Իսլամական հեղափոխության պահապանների կորպուսի (ԻՀՊԿ) ռազմածովային ուժերի հաղորդմամբ՝ Հորմուզի նեղուցում ևս մեկ նավթատար լցանավ է պայթել ծովային ականի վրա։

Ինչպես հաղորդում է IRIB-ը, միջադեպի մասին հայտնել են ԻՀՊԿ ռազմածովային ուժերը։

Իրանական զինվորականների փոխանցմամբ՝ այսօր առավոտյան նավթատար լցանավը, անտեսելով նախկինում ստացած նախազգուշացումները, անջատել է հետևման և նույնականացման համակարգերը և Հորմուզի նեղուցից դեպի արևելք շարժվել արգելված երթուղով, ինչի հետևանքով բախվել է ծովային ականի։

Նշվում է, որ պայթյունից հետո նավի վրա հրդեհ է բռնկվել, իսկ այնուհետև նավը կորցրել է շարժունակությունը։

Ավելի վաղ ԻՀՊԿ-ն հայտնել էր ևս երկու լցանավերի՝ ականների վրա պայթելու մասին։

Leave a Comment