Հայերը ևս մեկ քայլով մոտեցել են առանց վիզայի՝ Եվրամիություն մեկնելու հնարավորությանը։ Այս մասին X-ի իր էջում գրել է ԵՄ ընդլայնման հարցերով հանձնակատար Մարտա Կոսը։
Նրա խոսքով՝ Եվրամիության աջակցությամբ Հայաստանի քաղաքացիներն այսուհետ կկարողանան ստանալ նոր կենսաչափական անձնագրեր, ինչը կարագացնի սահմանային ստուգումները և կհեշտացնի ճանապարհորդությունները։
«Հայաստանն ընտրում է ավելի սերտ կապեր Եվրոպայի հետ, և մենք այդ ընտրությունը կյանքի ենք կոչում՝ ի շահ Հայաստանի ժողովրդի»,- գրել է Կոսը։