Մոսկվան հույս ունի, որ «3+3» ձևաչափի (Ադրբեջան, Հայաստան, Վրաստան՝ գումարած Ռուսաստան, Իրան և Թուրքիա) հերթական հանդիպումը տեղի կունենա մոտ ապագայում. հայտարարել է ՌԴ ԱԳ նախարար Սերգեյ Լավրովը։
«Այս հարթակի մասնակիցները պայմանավորվել են առաջ մղել միավորող օրակարգը։ Հույս ունենք, որ մոտ ապագայում տեղի կունենա հերթական հանդիպումն այս ձևաչափով»,- ասել է Լավրովը։
Հիշեցնենք՝ 2021 թվականի դեկտեմբերին Մոսկվայում տեղի է ունեցել հարթակի առաջին նիստը՝ արտաքին գործերի նախարարների տեղակալների մակարդակով։ Իսկ «3+3» ձևաչափով վերջին հանդիպումը տեղի է ունեցել 2024 թվականի հոկտեմբերի 18-ին՝ Ստամբուլում։