Փարիզից մոտ 30 կմ հարավ-արևմուտք գտնվող Տրապ քաղաքում և հարակից բնակավայրերում զինված տղամարդը մեքենայից ինքնաձիգով կրակ է բացել անցորդների ուղղությամբ։ Զոհվել է մեկ մարդ, ևս չորսը վիրավորվել են, այդ թվում՝ 12-ամյա աղջիկ, որը ստացել է ութ հրազենային վնասվածք։ Նրա վիճակը հաջողվել է կայունացնել։
Կասկածյալը ձերբակալվել է Կուանիեր բնակավայրում։ Գործի քննությունը ստանձնել է Ֆրանսիայի հակաահաբեկչական դատախազությունը։ Քննարկվում են հարձակման հնարավոր ահաբեկչական և ռասայական դրդապատճառները։
Այս մասին հայտնել են ֆրանսիական լրատվամիջոցները, իսկ տեղեկությունը հաստատել է Ֆրանսիայի վարչապետ Սեբաստիեն Լըկորնյուն։