Սև ծովում խորտակվել է Ադրբեջանի քաղաքացիներ տեղափոխող նավը


Միջազգային


Սև ծովում՝ Ռումինիայի Կոնստանցա նավահանգստից մոտ 13 ծովային մղոն հեռավորության վրա, խորտակվել է Khoryv առևտրային նավը։ Նավում եղել է 13 մարդ, այդ թվում՝ Ուկրաինայի 10 և Ադրբեջանի 3 քաղաքացի։

Նախնական տվյալներով՝ փրկարարներին հաջողվել է փրկել անձնակազմի 9 անդամի։ Մեկ մարդ զոհվել է, ևս երեքին շարունակում են որոնել։

Ռումինիայի ռազմածովային ուժերը աղետի ազդանշանն ստացել են ժամը 10։00-ի սահմաններում։ Խորտակման պատճառը դեռևս պաշտոնապես պարզված չէ։

Որոշ աղբյուրների հաղորդմամբ՝ նավը հնարավոր է՝ անօդաչու թռչող սարքի հարձակման է ենթարկվել։

Որոնողափրկարարական գործողությունը շարունակվում է՝ չնայած եղանակային անբարենպաստ պայմաններին։


Leave a Comment