Իրանի արտաքին գործոց նախարար Ապպաս Արաղչի իրաքեան «Իխպարիա» պատկերասփիւռի կայանին հետ հարցազրոյցի ընթացքին յայտարարեց, թէ Թեհրան միջնորդութեան իր առաջարկին վերաբերեալ ո՛չ Սէուտական Արաբիայէն, ո՛չ ալ հուսիներէն պատասխան ստացած է:
Սէուտական ՈՒԱՍ լրատու գործակալութիւնը 12 հոկտեմբերին հաղորդած էր, թէ Իրանի արտաքին գործոց նախարար Ապպաս Արաղչի հեռաձայնած է Սէուտական Արաբիոյ արտաքին գործոց նախարար Ֆայսալ Պըն Ֆարհան իշխանին:
Զրոյցին ընթացքին քննարկուած են շրջանին մէջ արձանագրուած վերջին մագլցումն ու զայն հանդարտեցնելու համար ի գործ դրուած ջանքերը:
Իրանի արտաքին գործոց նախարարութիւնը իր կարգին յայտարարեց, թէ Արաղչի իր սէուտցի պաշտօնակիցին յայտնած է, որ պատրաստ է օգնելու Սէուտական Արաբիոյ եւ հուսիներուն միջեւ բանակցութիւններու մեկնարկին: