Հայաստանցի գրոսմայստեր Էմին Օհանյանը հաղթել է Ղազախստանի Ատիրաու քաղաքում անցկացված Atyrau Open 2026 շախմատի միջազգային մրցաշարում, հայտնել են Հայաստանի շախմատի ֆեդերացիայից։
Օհանյանը 9 հնարավորից վաստակել է 7 միավոր՝ առանց պարտության ավարտելով մրցաշարը։ Նա կիսել է 1-2-րդ տեղերը և լրացուցիչ ցուցանիշներով ճանաչվել հաղթող։
Մրցանակակիրների թվում է նաև միջազգային վարպետ Սերգեյ Սկլոկին-Բագիյանը, որը 6 միավորով զբաղեցրել է 7-րդ տեղը։ 13-ամյա շախմատիստը մրցաշարում լրացրել է գրոսմայստերի իր երկրորդ նորման։
Մրցաշարին մասնակցել է 19 երկրի 109 շախմատիստ, այդ թվում՝ 30 գրոսմայստեր։ Atyrau Open 2026-ն անցկացվել է Ղազախստանի Ատիրաու քաղաքում՝ հոկտեմբերի 12-20-ը։
