ԱՄՆ-ում գրանցված Dynamic Frontier Holdings ընկերությունը սեպտեմբերին ավարտին է հասցրել Հայաստանի երկրորդ խոշորագույն՝ Թեղուտի պղնձամոլիբդենային հանքավայրի («Թեղուտ» ՓԲԸ) 100% բաժնետոմսերի ձեռքբերման գործընթացը։ Այս մասին հայտարարել է գործարար, ընկերության ղեկավար Կոնստանտին Սոկոլովը։
Նրա փոխանցմամբ՝ ամերիկյան սուբյեկտի միջոցով ակտիվների ձեռքբերումն ու գործարքի պաշտոնական ամրագրումը նոր փուլ են բացում հանքավայրի հետագա շահագործման, ներդրումների և զարգացման ծրագրերում։
Լոռու մարզում գտնվող Թեղուտի հանքավայրը Հայաստանի լեռնամետալուրգիական ոլորտի ամենախոշոր և ռազմավարական ակտիվներից մեկն է՝ զիջելով միայն Զանգեզուրի պղնձամոլիբդենային կոմբինատին։