Ադրբեջանի նախագահ Իլհամ Ալիևը Բաքվում հանդիպել է Իսրայելի նախագահ Իցհակ Հերցոգի հետ, հայտնում են ադրբեջանական լրատվամիջոցները։
Ըստ դրանց տվյալների՝ կողմերը քննարկել են ադրբեջանա-իսրայելական հարաբերությունները, ինչպես նաև միջազգային և տարածաշրջանային օրակարգի հարցեր։
Հերցոգը Բաքու է ժամանել Ասիայում փոխգործակցության և վստահության միջոցառումների խորհրդակցության (ԱՓՎՄԽ) գագաթնաժողովին մասնակցելու նպատակով։
Այսօր նույն միջոցառմանը մասնակցելու համար Ադրբեջան է ժամանել նաև Թուրքիայի արտաքին գործերի նախարար Հաքան Ֆիդանը։
