Հռոմի պապ Լևոն XIV-ի վիրահատությունից հետո նրա մոտ թոքերի քաղցկեղ է ախտորոշվել, հայտնել է Վատիկանը։
Նշվում է, որ վիրահատությունը հաջող է անցել, հեռացվել է նրա աջ թոքի ստորին բիլթը։
Վիրահատությունը տևել է 90 րոպե։ Դրանից հետո պապի մոտ ախտորոշվել է թոքի ադենոկարցինոմա, որը թոքերի քաղցկեղի տեսակ է։
«Վիրահատությունից հետո բարդություններ չեն առաջացել։ Հռոմի պապը բնականոն արթնացել է վիրահատությունից հետոև և կարճատև հսկողությունից հետո վերադարձել իր հիվանդասենյակ»,- ասվում է Վատիկանի տեղեկագրում։
Վատիկանը պարզաբանել է, որ աջ թոքի ստորին բիլթն ամբողջությամբ հեռացվել է՝ հիվանդ հյուսվածքի լիարժեք հեռացումն ապահովելու նպատակով։
Նշվում է նաև, որ իվանդանոցի մոտ մեծ թվով մարդիկ էին հավաքվել՝ Հռոմի պապին աջակցելու համար։ Նրանք ժամեր շարունակ սպասել էին նրա ժամանմանը և ողջունել պապին, իսկ նա մեքենայի բաց պատուհանից ժպտացել ու ձեռքով ողջունել է հավաքվածներին։
Հոկտեմբերի 11-ի կիրակնօրյա պատարագին Հռոմի պապը հայտնել էր իր մոտ հայտնաբերված հանգույցի և նախատեսվող վիրահատության մասին։ Ավելի ուշ նրան հոսպիտալացրել էին վիրահատության համար։
