Ադրբեջանի նախագահ Իլհամ Ալիևը հայտարարել է, որ ԱՄՆ նախագահ Դոնալդ Թրամփը պատմական դեր է ունեցել Հայաստանի և Ադրբեջանի միջև խաղաղության գործընթացում՝ 2025 թվականի օգոստոսի 8-ին Վաշինգտոնում կազմակերպված գագաթնաժողովի ընթացքում։
Իր՝ X սոցիալական ցանցի էջում հրապարակած գրառման մեջ Ալիևը նշել է, որ իր նախաձեռնությամբ Հայաստանն ու Ադրբեջանը համատեղ առաջադրել են Թրամփի թեկնածությունը Խաղաղության Նոբելյան մրցանակի համար՝ ի նշան խաղաղության գործընթացում նրա ներդրման։
«Նախագահ Թրամփը պատմական դեր է խաղացել Ադրբեջանի և Հայաստանի միջև խաղաղության հաստատման գործում: Խաղաղության գործընթացում նրա ունեցած բացառիկ ավանդի գնահատմամբ՝ Ադրբեջանը և Հայաստանը համատեղ առաջադրել են Թրամփի թեկնածությունը Խաղաղության Նոբելյան մրցանակի համար»,- գրել է Ալիևը։