ԱՄՆ նախագահ Դոնալդ Թրամփը հայտնել է, որ Ֆլորիդայի Ուեսթ Փալմ Բիչ քաղաքում գտնվող իր գոլֆի ակումբի տարածքում կարող է ստեղծվել նախագահական հանգստավայր՝ Քեմփ Դևիդի նմանությամբ։ Սպիտակ տունը հաստատել է, որ կառավարությունը քննարկում է այդ հնարավորությունը։
Թրամփի խոսքով՝ գաղափարը առաջարկել են ԱՄՆ գաղտնի ծառայությունն ու զինվորականները։ Որպես առավելություններ նշվում են տարածքի շուրջ բարձրահարկ շենքերի և բնակելի տների բացակայությունը, անվտանգության բարձր մակարդակը, իրավապահների և օդանավակայանի մոտ գտնվելը։
Նախատեսվում է, որ հանգստավայրից կարող են օգտվել նաև ԱՄՆ ապագա նախագահները և այնտեղ հանդիպումներ անցկացնել օտարերկրյա առաջնորդների հետ։