«Ես համոզմունք ունեմ, որ դա սովորական սահմանի խախտում է. զինծառյող է, ով երևի խնդիրներ է ունեցել իրենց զորամասում, դիմել է փախուստի ու հատել ՀՀ-ի սահմանը: Ընդամենը այս է, և կարծում եմ, որ այսքան մեծ հանրային հնչեղություն պետք չէ տալ այս միջադեպին»,- Խորհրդարանական ճեպազրույցների ժամանակ ասել է ՔՊ պատգամավոր Արմեն Խաչատրյանը՝ անդրադառնալով ադրբեջանցի զինվորի՝ ՀՀ-ի սահմանը հատելուն: Խաչատրյանը նշել է, որ այդպիսի դեպքեր ևս եղել են, ուղղակի վերջաբանը այսպես չի եղել: «Ստեղ որևէ խնդիր չկա, սովորական հանցագործություն է… Ուրիշ բովանդակային կարևոր հարց չկա՞ այս երկրում, որ ընկել ենք այս հարցի հետևից»,- հավելել է նա: