Ռազմական փորձագետ Կարեն Վրթանեսյանի ֆեյսբուքյան գրառումը․ «Շաքիում ադրբեջանցի զինվորականի՝ հայ ընտանիքի վրա հարձակվելու 7-րդ օրն է։ Այս ընթացքում ինչ արեցին թեման ինֆոդաշտում լղոզելու համար.
▪️ Լիլիթ Հովհաննիսյանի համերգի շուրջ ղալմաղալների հրահրում։ (Վստահ եմ, որ ինքը երգչուհին այդ արշավի հետ կապ չունի)։
▪️ Խփոցի ԱԺ-ում։
▪️ Ալեն Սիմոնյանը Սփյուռքի հայերին վիրավորող գրառում արեց («կատղախայծ» գցեց)։
▪️ Այսօր. Արթուր Դանիելյանին են բռնել ու տանում են կալանքի՝ ֆեյսբուքյան գրառումների համար։
Ինչ թեմա ասես դաշտ չգցեցին, բայց չեն պատասխանում Շաքիի միջադեպի վերաբերյալ հարցերին. օրինակ՝ երբ իմացել են, որ զինված ադրբեջանցի է մտել ՀՀ տարածք, ինչո՞ւ են դա թաքցրել մարզի բնակչությունից։
Շաքիում կատարվածը հնարավոր էր կանխել, եթե համապատասխան գերատեսչությունները՝ ՊՆ-ն, ՆԳՆ-ն, ԱԱԾ-ն, ինչպես նաև տեղական ինքնակառավարման մարմիններն իրենց պարտականությունները կատարեին։
Մակաբույծ խեղկատակների մի հսկա բանակ է ապրում (ու լավ է ապրում) մեր հաշվին, բայց մեր նույնիսկ ամենաբազային անվտանգությունն ապահովել չեն ցանկանում։ Փոխարենն ընկած են ընդդիմադիրների ֆեյսբուքյան գրառումների հետևից»։